Skýrsla stjórnar

Stjórn deildarinnar 2018
Anna Olsen, formaður
Arnar Björgvinsson, varaformaður
Anna María Þórðardóttir, meðstjórnandi
Elín Ragnarsdóttir, gjaldkeri
Emil Gústafsson, meðstjórnandi
Magnea Rós Axelsdóttir, ritari
Katrín Baldvinsdóttir, meðstjórnandi

Þjálfarar deildarinnar

Yfirþjálfari karatedeildar Aftureldingar er Willem C. Verheul  3. dan, hann einnig er yfirþjálfari karatedeildar Fjölnis.

Aðrir þjálfarar :  Snæbjörn Willemsson Verheul 3. dan

Aðstoðarþjálfarar : Magnús Valur Willemsson Verheul, 1. dan  Anna Olsen, 1. dan,  Agla Þórarinsdóttir, Shodan Ho, Andrés Björgvinsson, Shodan Ho, Oddný Þórarinsdóttir 1. kyu, Emil Gústafsson, 1. kyu og Heiða Dís Samúelsdóttir, 1. kyu.

Æfingatímar

Karatedeildin er með æfingatíma alla daga vikunnar. Uppsetning á æfingatímum er þó með svipuðu sniði og sl. ár, þ.e. æfingar fara fram seinni part dagsins, yngstu iðkendur byrja og þeir elstu eru fram á kvöld.  Byrjendatímar eru kl. 17:30 – 19:00 á mánu – og miðvikudögum. Afreksæfingar eru í Egilshöll á mánu- og miðvikudögum með iðkendum Fjölnis þar sem ekki tókst að manna þjálfara á báðum stöðum.

Hópaskiptingar æfingaárið 2018-2019

Byrjendahópur –  6-13 ára

Byrjendahópur – fullorðinna kennt í Egilshöll, í samstarfi við karated. Fjölnis

Framhald – yngri, 6-8 ára, blönduð belti

Framhald – eldri,  9-12 ára, blönduð belti

Framhald – unglingar, 11-15 ára, há belti

Fullorðinshópur – 16 ára og eldri

Afrekshópur – iðkendur sem einbeita sér að keppni, gráðun ofl. Yfirþjálfari velur í þennan hóp.

Fjöldi skráðra karateiðkenda í deildinni eru u.þ.b. 66 flestir eru á aldrinum 6 – 14 ára.

Ný byrjendanámskeið voru auglýst í ágúst 2018 fyrir 6-13 ára, og einnig boðið upp á fullorðinsnámskeið í samstarfi með karatedeild Fjölnis, 3 fullorðnir karlmenn hafa æft og tekið sitt fyrsta beltapróf.

Félagsstarf og starfsemin árið 2018

Í desember 2018 voru Oddný Þóarinsdóttir og Þórður Henrysson valin íþróttamaður og kona karatedeildarinnar. Á verðlaunahátið Mosfellsbæjar í byrjun janúar 2019 voru tilnefningar til Íþróttamanns Mosfellsbæjar 2018 og fl. Viðurkenningar. Þórður var tilnefndur fyrir hönd karatedeildarinnar. Efnilegustu karate iðkendurnir 2018 voru Dóra Þórarinsdóttir og Þorgeir Björgvinsson.  Oddný Þórarinsdóttir og Þórður Henrysson fengu viðurkenningu fyrir æfingar með landsliðshóp í kata.  Oddný og Þorgeir fengu viðkurkenningu fyrir Bikarmeistaratitla. Telma Rut Frímannsdóttir viðurkenningu fyrir Íslandsmeistarartitil. Í apríl voru æfingabúðir og beltagráðun á vegum sensei Steven Morris. Allir iðkendur hjá deildinni og karatedeildar Fjölnis tóku þátt.  Hópur tók svartbelta gráðu þennan dag og annar hópur staðfesti svarta beltið og fékk þar með gráðuna 1. dan. Haldið var upp á þetta með því að fara saman út að boða um kvöldið.

Góð þátttaka var hjá okkar iðkendum í öllum mótum á árinu og mörg verðlaun í hús. Vorsýningin var einnig haldin í maí, í lok hennar voru veittar viðurkenningar fyrir ástundun.  Styrktaræfingar voru í boði um sumarið hjá Snæbirni  í Egilshöll í júní/júli/ágúst 2 x viku.  Tveir iðkendur voru valdir í landslið íslands í kata, þau Oddný Þórarinsdóttir og Þórður Jökull Henrysson. Þau æfðu allt sumarið með landsliðinu og auk þess fór Þórður í æfingabúðir til sensei Pablo Armenteros í Madríd ásamt fleiri landsliðsmeðlimum.  Í byrjun hausts var Anna mikið á staðnum þegar byrjendur voru að koma á æfingar og ræddi við foreldra.  Foreldrafundur var haldinn í byrjun annar þar sem Willem yfirþjálfari sagði frá íþróttinni og fyrkomulagi æfinga.   Í október fór hópur til Skotlands ásamt iðkendum frá Fjölni í æfingabúðir og á mót.  Ferðin öll hin skemmtilegasta og árangur stórglæsilegur.  Íslendingarnir tóku flest öll verðlaun til sín. Í janúar 2019 verður foreldrum boðið að mæta á æfingar með iðkendum til að fá innsýn í íþróttina sem barnið er að æfa. Haldið var æfingamót í Kumite hjá Fylki og Kata hjá Breiðablik fyrir yngri iðkendur, þar sem krakkar fengu þjálfun í að taka þátt í móti og kynnast því hvernig það gengur fyrir sig.  Við enduðum svo nóvember á því að hittast og horfa á bíómyndina „The Karate Kid“ saman með popp og djús.  Alltaf gaman að gera eitthvað saman.  Önnina enduðum við svo á beltaprófi og var farið í jólafrí  um miðjan desember.

Talsvert var um ferðalög á vegum landsliðsins á haustönn. Í byrjun september var farið til Finnlands og tekið þátt í Finnish Open Cup sem er sterkt bikarmót sem haldið er árlega. Var það liður í undirbúningi landsliðsins fyrir Smáþjóðamótið í Karate. Mótið í Finnlandi var mikil reynsla sem þau búa að, en Þórður náði 5. sæti í kata fullorðinna. Í lok september fóru þau með landsliðinu á smáþjóðamótið í karate sem haldið var í San Marino. Mótið var stórt og alls voru 489 skráningar á mótið frá 9 þjóðum. Oddný keppti í kata cadet og vann fyrstu tvær viðureignirnar örugglega en tapaði í þeirri þriðju á móti stúlku frá Luxemburg sem vann keppnina. Oddný keppti því um þriðja sætið og vann hún þá viðureign örugglega. Þórður keppti í kata junior en tapaði í undanúrslitum á móti pilti frá Kýpur sem var smáþjóðameistari frá 2017. Hann keppti því um þriðja sætið og vann hann þá viðureign örugglega. Í lok nóvember héldu þau á ný til Finnlands á Norðurlandameistaramótið í karate. Oddný keppti í kata cadet og vann hún fyrstu viðureignina örugglega en tapaði í næstu umferð á móti sterkum sænskum keppanda sem endaði svo í 3. sæti og því komst Oddný ekki lengra að þessu sinni. Þórður keppti í kata junior og vann hann fyrstu tvær viðureignirnar sem var sérlega ánægjulegt þar sem hann hafði tapað fyrir þessum keppendum fyrr um haustið í Finnlandi. Þórður tapaði í undanúrslitum á móti dönskum keppanda sem varð Norðurlandameistari og því keppti hann um þriðja sætið á móti norska meistaranum. Þórður tapaði þeirri viðureign með minnsta mögulega mun (2-3) og því varð hann í 5. sæti á mótinu.

Aðstöðumál

Aðstaða deildarinnar er góð, enn vantar þó vatnspósta og salernisaðstöðu á hæðina.  Einhver bið verður þó á því. Einnig hefur verið kvartað undan þrifum og hita/kulda í salnum.  Breyting hefur orðið til batnaðar hvað þrif varðar en loftræstingin er enn ekki að virka.  Deildin hefur verið að bæta við búnað sinn reglulega og keypt ýmis smá áhöld til að auka við fjölbreytni á æfingum.  Búið er að koma upp lyklahúsi fyrir utan salinn sem er til batnaðar. Reynar hefur borið á því að númerið hafi spurst út og óviðkomandi því farið inní salinn.

Beltapróf og Kobe Oskaka International

Yfir æfingaárið eru haldin þrjú beltapróf. Æfingaárið skiptist í tvær annir og eru beltaprófin í desember, mars og  apríl/maí. Iðkendur greiða ekki sérstaklega fyrir beltaprófin en þeir fá viðurkenningarskjal, strípur á belti eða fara upp um heilt belti á prófum. Stjórn deildarinnar hefur selt iðkendum belti. Iðkendur fá djús, ávöxt, popp, eða eitthvert slíkt góðgæti að loknu beltaprófi.

Karatedeildin varð „full member“ hjá Kobe Osaka International (KOI) þegar árgjaldið var endurnýjað 2015. Karatedeildin hefur verið aðili að KOI sl. 13 ár og frá upphafi hefur það verið markmið deildarinnar að verða fullgildur aðili. Í því felst að sensei Steven Morris gráðar iðkendur a.m.k. einu sinni á ári en það gefur deildinni og iðkendum hennar ákveðna gæða einkunn. Allir, sem þreyta próf hjá Morris, fá alþjóðlegt skírteini og viðurkenningarskjal frá KOI.

Steven Morris ásamt Paul Lapsley komu í apríl 2018 og voru þeir með æfingabúðir og beltapróf fyrir iðkendur hjá Fjölni og Aftureldingu, þau voru vel sótt. Steven var ánægður með getu og færni iðkenda deildarinnar og taldi iðkendur hafa bætt sig frá því hann var hér síðast.

Steven Morris gráðaði nýja svartbeltinga, Anna Olsen, Elín Björg Arnarsdóttir, Máni Hákonarson og Þórður Jökull Henrysson 1. dan, og Andrés Björgvinsson, Agla Þórarinsdóttir, Gunnar Haraldsson Shodan Ho

Íslandsmeistaratitlar og aðrir titlar í karate árið 2018

  1. jan – Reykjavík International Games

Oddný                                  Kata 13 ára stúlkna                         3. sæti

Þórður                                 Kata 14-15 ára pilta                        3. sæti

Þórður                                 Kumite 14-15 ára pilta                   3. sæti

Máni                                     Kata 14-15 ára pilta                        3. sæti

Máni                                     Kumite 14-15 ára pilta                   3. sæti

Elín                                        Kata 14-15 ára stúlkna                  5. sæti

Elín                                        Kumite  14-15 ára stúlkna            5. sæti

Hugi Tór                              Kata 13 ára pilta                               5. sæti

 

  1. feb – 1. Grand Prix mót KAI

Oddný                                  Kata 14-15 ára stúlkna                 1. sæti

Elín                                        Kata 16-17 ára stúlkna                  3. sæti

Þorgeir                                 Kata 13 ára pilta                               3. sæti

Þorgeir                                 Kumite 13 ára pilta                         3. sæti

Hugi Tór                              Kata 13 ára pilta                               5. sæti

Hugi Tór                              Kumite 13 ára pilta                         5. sæti

Gunnar                                Kata 13 ára pilta                               5. sæti

 

  1. mars – 2. Grand Prix mót KAI

Þorgeir                                 Kata 13 ára pilta                               2. sæti

Þórður                                 Kata 16-17 ára pilta                        2. sæti

Þórður                                 Kumite  16-17 ára pilta                  3. sæti

Máni                                    Kata 16-17 ára pilta                        3. sæti

Máni                                     Kumite  16-17 ára pilta                  3. sæti

Oddný                                  Kata 13 ára stúlkna                         3. sæti

Gunnar                                Kata 13 ára pilta                               3. sæti

Þorgeir                                 Kumite 13 ára pilta                         3. sæti

Hugi Tór                              Kata 13 ára pilta                               5. sæti

Hugi Tór                              Kumite 13 ára pilta                         5. sæti

Gunnar                                Kumite 13 ára pilta                         5. sæti

Elín                                        Kata 16-17 ára stúlkna                  5. sæti

Agla                                       Kata 16-17 ára stúlkna                  5. sæti

 

  1. apríl – Íslandsmeistaramót barna í kata

Ákos                                     Kata 11 ára pilta                               3. sæti

Sverrir                                  Kata 10 ára pilta                               7. sæti

 

  1. apríl – Íslandsmeistaramót unglinga í kata

Þorgeir                                 Kata 12 ára pilta                               2. sæti

Máni                                     Kata 16-17 ára pilta                        2. sæti

Þórður                                 Kata 16-17 ára pilta                        3. sæti

Oddný                                  Kata 14 ára stúlkna                         3. sæti

Afturelding 1                     Hópkata 16-17 ára                          3. sæti

Afturelding 2                      Hópkata 12-13 ára                          5. sæti

Gunnar                                Kata 12 ára pilta                               7. sæti

 

  1. september – Finnish Open Cup

Þórður                                 Kata senior                                        5. sæti

 

  1. september – Smáþjóðamót í karate, San Marino

Oddný                                  Kata cadet                                          3. sæti

Þórður                                 Kata junior                                         3. sæti

 

  1. október – Íslandsmeistaramót unglinga í kumite

Þorgeir                                 Kumite 13 ára +45 kg                     2. sæti

Hugi Tór                              Kumite 13 ára +45 kg                     5. sæti

 

  1. október – Íslandsmeistaramót fullorðinna í kumite

Telma Rut                           Kumite kvenna +61 kg                   1. sæti

Telma Rut                           Kumite kvenna opinn fl.                               3. sæti

 

  1. október – Kobe Osaka – Grangemouth, Skotland

Axel                                      Kumite 10-11 ára                             1. sæti

Axel og Sverrir                  Paired kata 11 ára                           1. sæti

Þorgeir                                 Kata 12-13 ára                                  1. sæti

Þorgeir, Hugi, Gunnar    Hópkata 12-13 ára                          1. sæti

Hugi Tór                              Kumite 12-13 ára                             2. sæti

Gunnar                                Gladiator 12-13 ára                        3. sæti

Þorgeir                                 Gladiator 12-13 ára                        3. sæti

Þorgeir                                 Kumite 12-13 ára                             3. sæti

Gunnar                                Kata 12-13 ára                                  3. sæti

 

  1. nóvember – Fjörkálfamót í kumite

Sverrir                                  Kumite 10-11 ára                             1. sæti

Axel                                      Kumite 10-11 ára                             2. sæti

Aron                                      Kumite9-10 ára                                2. sæti

Patrekur                              Kumite9-10 ára                                2. sæti

Emil                                       Kumite 9-10 ára                               3. sæti

 

  1. nóvember – 3. Grand Prix mót KAI

Oddný                                  Kata 14-15 ára stúlkna                  1. sæti

Þórður                                 Kata 16-17 ára pilta                        1. sæti

Þorgeir                                 Kata 13 ára pilta                               2. sæti

Gunnar                                Kata 13 ára pilta                               3. sæti

Elín                                        Kata 16-17 ára stúlkna                  3. sæti

Þorgeir                                 Kumite 13 ára pilta                         3. sæti

 

  1. nóvember – 3. bikarmót KAI

Þórður                                 Kata fullorðinna                               3. sæti

 

  1. nóvember – Norðurlandameistaramót í karate, Finnland

Þórður                                 Kata junior                                         5. sæti

 

  1. desember – Fjörkálfamót í kata

Ákos                                     Kata 10-11 ára                                  1. sæti

Dóra                                      Kata 10-11 ára                                  1. sæti

Sverrir                                  Kata 9-10 ára                                     2. sæti

Aron                                      Kata 9-10 ára                                     3. sæti

Axel                                      Kata 9-10 ára                                     3. sæti

Emil                                       Kata 9-10 ára                                     3. sæti

Baldvin                                 Kata 9-10 ára                                     3. sæti

 

Samtals unnu þau 11 gull, 11 silfur og 33 brons. Oddný og Þorgeir voru krýnd bikarmeistarar í sínum flokkum í Grand Prix mótaröðinni í kata og Þórður lenti í 3. sæti í kata og Þorgeir lenti í 3. sæti í kumite.

F.h. karatedeildar Aftureldingar,
Anna Olsen